腸粉好滑，d 皮都算幾薄，幾好味
蟹粥幾鮮甜，不過冇乜肉食
我之前未食過蟹粥，唔知蟹粥係o米就係咁o既呢?
墨魚鬚只係隨意叫，不過估唔到又幾好味
幾彈牙，份量亦都唔少
最後到左我最期待o既煲仔飯
賣相唔錯，不過食落又唔覺得好特別
同出面其他煲仔飯差唔多
總括黎講，不過不失啦

o里度有少少相同大家分享
http://eat-together.blogspot.com/2008/07/chan-hon-kee.html

佢o岩o岩開張o既時候有朋友去過
話佢要由七點等到九點先入到去食
我心諗，過左咁耐，熱潮都應該過去喇卦
我六點鐘去到，竟然冇人等位，可以直入
不過原來只係我早到先至咁幸運
因為六點半過後，出面已經擠滿人群

野食方面，冇野係特別好食，但都冇野係好難食
我自己就幾鍾意個紅燒牛肉麵，但只係因為個人喜好
不過有一樣野我係好唔鍾意
就係唔知點解佢開到 d 冷氣鬼死咁凍
d 小籠包同燒賣o係佢放低時即刻食，就幾好o既
轉頭食第二粒o既時候，d 皮已經硬晒，仲腥腥地添
其他o既食物都一樣凍得好快
可能想 d 客食完快 d 走卦

o里度有少少相同大家分享
http://eat-together.blogspot.com/2008/07/din-tai-fung.html

鍾意去o個度食野
係因為覺得佢 d 魚湯幾有魚味
而且佢d 餐幾多選擇
少o既可以叫個魚湯米線跟一個餸
多o既可以叫d 二人餐、四人餐
可以自選一d 小食同小菜
價錢都算合理
除左叫 set 之外
每一次我都必定叫埋個小食拼盤
佢其實係有兩款拼盤
不過我每次都係叫
豬頸肉 + 炸魚腐 + 椒鹽豆腐
因為三樣野都唔錯
而且份量都唔少
見到好多人都會叫佢個怪味雞
不過我自己就覺得冇乜特別
怪味o既只係 d 醬，d 雞根本冇乜味

o里度有少少相同大家分享
http://eat-together.blogspot.com/2008/07/delicious-kitchen.html

d 野食一放低o既時候
就開始有 d 失望
因為個樣已經唔算好討好
食落o既味道亦都麻麻

所謂 monster size o既壽司
除左帆立貝係比較大 d 之外
其他都同普通 size 差唔多
d 魚係長身 d ，但亦都相對薄身左
而 d 軍艦壽司o既紫菜都有 d 濕濕地
大多數壽司都好似唔係好新鮮咁
只係得帆立貝同海膽比較好 d
早知等耐 d 都應該要坐迴轉位
起碼自己可以揀嘛
小食方面
雞軟骨雞肉棒幾好食
但炸雞軟骨就麻麻地喇
份量仲好少添

o里度有少少相同大家享
http://eat-together.blogspot.com/2008/06/monster-sushi.html

去食之前並冇專登留意有乜出名o既菜式
所以只係隨意叫左一 d 點心同埋炒飯
價錢當然心中有數，一定唔會平啦
幾十蚊一個點心，百幾蚊一個炒飯
一碟普通o既西蘭花
只係多左一碟米奇老鼠頭o既蠔油
身價就即刻升價幾倍
個價錢真係貴左 d，但 d 野食都算ok
好似個蘿蔔糕，起碼食得到係有蘿蔔，而唔係食粉
個瑤柱蛋白炒飯都炒得幾好食，d 瑤柱炒到好香脆

其實最吸引我o既應該係佢 d 甜品
聽到人話佢個陳皮燉雪梨幾出名，我地當然要叫番一個
另外仲叫左一碟桂花紅豆糕同埋一個芒果布甸
個燉雪梨真係好好食，d 陳皮味好香
我覺得個梨好清甜，所以唔使再落佢俾o既蜜糖
紅豆糕同埋布甸都唔錯，芒果布甸食得到有果肉
中間仲有層好似mango mousse 咁o既野
令到原本普通o既布甸增添左 d 特色

o里度有少少相同大家分享
http://eat-together.blogspot.com/2008/06/crystal-lotus.html

餸菜o既份量都唔算細
由於我每次多數都係兩三個人，所以都叫唔到幾多野
通常個個都會叫五味雞，味道類似豉油雞咁
雖然食得出應該係雪雞，但都幾入味幾唔錯
不過因為之前食得太多，而家我都好少再叫
今次我叫左炸軟殼蟹，炸得幾香口，不過 d 粉就厚左少少
另外仲有牛筋腩煲，普普通通，唔係好特別
反而個蒜蓉銀魚蒸勝瓜幾有驚喜
估唔到原來咁蒸 d 瓜係幾好食
豬油撈飯係每次都會叫，今次都唔例外
加少少頭抽，再加少少豬油，真係好香
因為今次得兩個人，所以食唔到我最鍾意o既馬拉糕
不過馬拉糕真係值得推介，好香好鬆軟
就算太飽食唔落，叫外賣返屋企再整番熱
都依然係好食，不過記得叫佢俾 d 未蒸熱o既你

o里度有少少相:
http://eat-together.blogspot.com/2008/05/tai-wing-wa-restaurant.html

平時經過海港城間 rice paper
見到裡面 d 擺設同氣氛都唔錯
於是同埋兩個朋友去左食 dinner
我地睇左個餐牌好耐，最後叫左：
越南大蝦 rice paper
香鴨茄子黃薑飯
脆皮吊燒雞
鑊仔香草河內魚

四樣野裡面
我唯一係比較欣賞個吊燒雞
d 雞好香，d 皮好脆
不過其實同平時酒樓食o個d 炸子雞差唔多
個香鴨茄子飯o既賣相真係好靚
但係食落就麻麻地
d 鴨肉實在咬極都咬唔開
個米紙卷其實只係 gimmick 野
俾晒材料你自己包
好好玩但味道就只係普通
至於個河內魚就更加搞笑
我地落單時，個waitor 話o里個餸要等好耐
而且仲要攞上枱，o係我地面前煮，會好麻煩
好似想叫我地唔好叫咁
不過我地到最後都係叫左
直到見到佢o係度煮o既時候
我終於明白點解佢想說服我地唔好叫
因為佢地根本唔知點煮
個waitor 已經好似乜都唔知咁
個高級o既就更加雞手鴨腳
搞到 d 材料成枱都係

o里度有少少相同大家分享
http://eat-together.blogspot.com/2008/04/rice-paper.html

枱面上見到一個餐牌
推介一個北海道松葉蟹腳盛合
裡面包括松葉蟹腳、果味牛肋骨肉、鹿兒島黑豚
鹽燒牛舌、鹽燒雞翼、柚子楜椒豬頸肉、魷魚
睇到有咁多野，而我地又只係得三個人
所以就冇再叫其他野
但黎到o既時候先發覺
原來三百幾蚊o既一個combo，份量只係得好少
日式燒肉果然係好貴
不過我地決定食完唔夠先再叫多 d

雖然個價錢真係幾貴，但食落都覺得真係好好食
蟹腳燒完之後雖然係有 d 乾，但都仲係好鮮味
點埋 d 柚子醋真更加好味
之前聽講 o個度 d 牛肋骨係出名，果然係冇講錯
而黑豚肉同埋牛舌亦都比平時食韓燒o個 d 好味
其他o既野食都唔錯

o里度有少少相同大家分享
http://eat-together.blogspot.com/2008/04/morihachi-yakiniku.html

鍾意食和花亭o既原因
係因為鍾意佢幾多款式同埋幾新鮮
唔似得去元氣或者元祿，食黎食去都係幾款
每一次去到，有幾款壽司我都必定要食
帶子、蟹肉蟹膏、燒牛肉、安康魚肝
除左壽司唔錯之外，佢有 d 熟食同小食都係幾好食
例如溫泉蛋烏冬同埋炸魷魚餅都係我o既 favorite

o里度有少少相同大家分享
http://eat-together.blogspot.com/2008/04/nagoyaka-tei.html

每一次我都必定會叫泰式雞肉飯
d 雞肉係撕開左一絲絲
其實 d 肉唔係太滑，唔算非常好食
不過我鍾意 d 飯幾香雞油味
同埋最鍾意佢跟埋o既汁，酸酸辣辣咁
食多碟都唔嫌多
另外，我幾鍾意佢 d 湯河，尤其係鴨肉湯河
清清地，d 湯都幾鮮
除左雞飯之外
我每次亦都一定會叫佢個黃金皮蛋
即係用蝦膠包住隻皮蛋黎炸
d 蝦肉幾彈牙，再加埋糖心皮蛋
估唔到 d 口感幾夾

o里度有少少相同大家分享
http://eat-together.blogspot.com/2008/05/moon-thai.html

應該係由韓國人開
食物幾地道
價錢又適中
唔想食貴o既韓國菜
可以去試下

o里度有少少相
http://eat-together.blogspot.com/2008/02/express-myung-dong-express.html

耐唔耐都會o係星期六日
去大埔墟街市o既熟食檔食野

o係度間世記真係幾誇張
要去o個度食野真係要好有耐性
等位: 15-20分鐘 + 等野食:30-40分鐘
但又照樣好多人繼續o係度等

係o米真係咁好食呢?
算幾幾抵o既
一碗麵 (炸菜肉絲、雪菜肉絲、竹荀肉絲、牛腩、雲吞、炸醬)
+ 一碟炸豬扒 / 炸雞翼
都只係22蚊 (以前只係20蚊添)
而且佢d 豬扒同雞翼份量都幾多、同埋炸得好香口

不過都要睇下你好唔好彩
可能佢真係太忙
令到 d 野食o既質素變得唔穩定
我今次去食，d 豬扒就有 d 凍，d 麵又煮得太熟

o里度有 d 相
http://eat-together.blogspot.com/2008/03/sai-kee.html

今次去左食lunch buffet

好多人都應該會識得Todai
係出名多海鮮同埋壽司o既buffet，仲有長腳蟹食添
不過 lunch buffet 就少左長腳蟹
但係都仲有十幾款壽司可以揀，同埋都算幾新鮮

熱盤方面，大概有十幾款選擇
例如有天婦羅、焗青口、日式牛肉煱、燒牛肉
日式燒魷魚、燉蛋、炒飯、炒長通粉等等
湯就有兩款：麵豉湯、龍蝦湯
野食唔算係 d 乜野貴價野
但味道平均黎講都算 ok 啦

甜品唔算太多選擇
cake + pudding + snack 大約有十幾款
冇乜邊款係唔食就會損失
不過味道又唔算太差

o里度有d 相
http://eat-together.blogspot.com/2008/02/todai.html