又到左每月一度既紀念日。

今次揀左西灣河既日本料理，因為開飯既食評有12個好。

7點去到未有人，鋪仔細細，價錢唔貴。

先黎蠔仔(3隻)$78及翡翠螺$38

咁袖珍既蠔，都係第一次見，味道竟然幾甜，唔錯。

枝豆$10

特別日子，叫了啤酒慶祝。$18 (做緊買二送一既優惠，算係好抵﹗)

壽司拚(6款)$98

$10客既壽司

牛肉烏冬$38，湯底好味，烏冬好滑。

晚餐既定食係$38起，個人覺得比北角京味仲抵食。比較唔方便係—只收現金。

今晚唔想就咁響屋企附近食，於是搭叮叮去左北角京味和風料理。

叫左個牛肉涮涮鍋連日式燉蛋﹑白飯﹑味噌湯$57，好味道又平。

免治吞拿魚蟹子飯(仲要係蟹子另上)日式燉蛋﹑味噌湯$57，比吉之島沙龍更便宜。

什錦刺身$88，一個字：抵﹗

鮟鱇魚肝$25，超級味美。

鱆紅魚鮫$15，呢個好「鞋」，下次一定唔再叫。

當然唔少得ASAHI啦，呵呵。

埋單$301.4，送左$30 COUPON俾我下次用，都幾唔錯。

由於就近我家，我非常喜愛到那麼吃飯的。

雖說價格有點貴，可是味道真的頗有水準，而且因為我來常客的關係，經理都常會送我一些小食，甚至請我飲清酒，岩晒我。

放工因為俾個癲婆阻住收工，於是近近地去銅鑼灣御家食野算。
呢個刺身盛只係$68，包埋單叫$30既帶子刺身，鮮甜﹗超級抵﹗
又叫一大埋例牌壽司：御牛卷﹑三文魚腩壽司﹑海膽壽司……好味道呀﹗
綠茶麵好似麻麻地，下次唔會再叫。

放工因為俾個癲婆阻住收工，於是近近地去銅鑼灣御家食野算。
呢個刺身盛只係$68，包埋單叫$30既帶子刺身，鮮甜﹗超級抵﹗
又叫一大埋例牌壽司：御牛卷﹑三文魚腩壽司﹑海膽壽司……好味道呀﹗
綠茶麵好似麻麻地，下次唔會再叫。

這一家賣點是迴轉壽司, 但因為在寫字樓區關係, 營業只到7:30pm, 食肆來說有一點早。放工之後去又好像時間太短, 今天去了試午餐$35定食, 都有7-8款選擇, 我叫了鰻魚飯定飯，有沙津同埋汽水。味道方面都不錯。

臨近男朋友牛一，又有朋友請食飯， 朋友建議上環-梨花苑韓國料理。
因為大家都近， 午餐都有很多選擇， 大部份都是$60-$70。
叫了燒鰻魚、另外加了一個鐵板牛肉。 老實說味道一般啦， 可能是午餐關係， 韓國前菜馬虎一點， 鐵板牛肉有d老， 但燒鰻魚就很肥美!

特別既日子，又要搵地方食。又去功德林食。

叫了個上海烤夫$63，好味。

小籠包$28，不錯。

原盎竹笙青菜湯$38，一般。

無錫脆鱔$68，呢個口感同味道都好像真。

毛豆炆菰素雞$68，good。

上海冷麵$58，d配醬一流。

食完餐飯之後， 幾個朋友仲嫌唔夠喉，提議再去蘭桂坊搵節目，吹下水。於是去左Haagen-Dazs吹水， 幾條友叫了一個雪糕朱古力火鍋$268 share!很漂亮， 而且也好好味!吹了足足成個鐘， 盡是是是非非! 十分開懷!

很久沒有去意粉屋, 去了之後原來有DBS Credit Card有特價餐$238, 好似幾抵!於是點了:

龍蝦湯 -很濃的蝦味又不油膩, 正!

三文魚沙律-我喜歡的雜果沙律底, 不錯!

芝士龍蝦帶子天使麵-好鬼死入味, 又有多龍蝦及帶子粒粒

香芒烤雞薄餅-很特別的配搭, 但出奇的Match, 有很清新的芒果味!

呢間明記係本姑娘既舊居隔離，本姑娘好喜歡久不久去幫襯，順便憑弔一下舊居。
雖然鋪仔細細， 不過有很多選擇的有60-70款之多，其中以中式甜水為主， 但近期加了一些西式的特色， 也不錯呢﹗
腐竹白果雞旦， 一般啦﹗
叫左個紅豆奶酪，非常實淨，唔好食﹗
芒果凍餅， 是似雪糕蛋糕的，非常好味﹗

今日晏晝lunch既時候，特登先響凱施買個細細蛋糕，打算一搭正就唱歌兼送禮物。
本來想買東海堂既，不過太多個，兩個人實食唔落，好在凱施有細細個既芒果蛋糕賣。蛋糕細細，芒果好甜，唔錯。
上網搵唔到廣東話版既生日歌，韓文都照download，嘻嘻。
店舖職員將份生日禮物包得幾得體。
男朋友，生日快樂，希望你鍾意啦。

今日晏晝lunch既時候，特登先響凱施買個細細蛋糕，打算一搭正就唱歌兼送禮物。
本來想買東海堂既，不過太多個，兩個人實食唔落，好在凱施有細細個既芒果蛋糕賣。蛋糕細細，芒果好甜，唔錯。
上網搵唔到廣東話版既生日歌，韓文都照download，嘻嘻。
店舖職員將份生日禮物包得幾得體。
男朋友，生日快樂，希望你鍾意啦。

今日晏晝lunch既時候，特登先響凱施買個細細蛋糕，打算一搭正就唱歌兼送禮物。
本來想買東海堂既，不過太多個，兩個人實食唔落，好在凱施有細細個既芒果蛋糕賣。蛋糕細細，芒果好甜，唔錯。
上網搵唔到廣東話版既生日歌，韓文都照download，嘻嘻。
店舖職員將份生日禮物包得幾得體。
男朋友，生日快樂，希望你鍾意啦。

男朋友生日既大日子不敢怠慢，早早訂了台。
一黎到老板娘就請我地飲酒，仲有薯片添，嘻嘻。
叫了8個菜。
前菜：
Baked Chicken Fillet with Cheese & Spinach Stuffing, Creamy Saffron Sauce
Seared Jumble Scallop with Lobster Sauce, Mixed Basil Veg Salad，正﹗
King Crab Leg Meat with Fennel & Rockets Lettuce Salad
蟹腳好好味，一隻唔夠。
Escargot (French Snail) with Caramelized Garlic Gravy Sauce，個汁就略嫌唔夠濃。
面包好好食，一口氣吃了3個。
磨菇湯，大廚話加左黑松露添，好味道。
香煎鵝肝，特別叫左大廚唔好煎得太耐。
鵝肝之後，係意粉。大廚今晚好失準，意粉未煮林，我食左兩啖就放棄左。
主菜我點了Pan Fried White Fish (Cod, Seabass or John Dory) with Martini & Liquer Infused Sauce白魚是蘆魚，非常雪，食落係碎濕濕既，唔中意，又再放棄。
男朋友叫了Lambrack with Traditional Mint Jelly or Sauce 羊ok，唔羶，但男朋友就話d料比之前差左。
甜品
老板娘仲多送一客心太軟作生日禮物，非常識做。
整體都唔錯，但可以更好。

星期六放左工，一個人逛街。

去到銅鑼灣見有人派傳單，於是就試下。

一個人飲茶，好似都係第一次嘿嘿。

一上到去，點半鐘都只係得兩張台，心中暗覺不妙，不過既來之則安之啦。

侍應俾左張卡位我(冇人如果都叫我坐中間，我一定掉頭走)問我飲乜，我問有冇菊花，佢話有。個心都定d，幾驚第一野就話冇呀。

係咁易叫兩個點心試下佢先。

雞絲豆香春卷$28，幾唔錯。

水晶蝦餃皇$28，不愧為蝦餃皇，好大隻既蝦，好彈牙，正﹗

但最叫本姑娘欣賞既係—佢既XO醬，有蝦籽﹑好香又夠辣，非常鍾意呀。勁想買返屋企，但都係下次叫埋男朋友黎試真d先買，費時買左又唔食。

食左辣野既怪獸即刻勁開胃，見佢既點心岩本姑娘口味，於是就放心叫左個一人餐—栗米湯﹑麻婆豆腐跟飯及甜品。$60

麻婆豆腐夠辣，怪獸仲要加xo醬撈飯，非常滿足。

桂花糕好香。

行完山，有人要先走，其餘人就去食野，當然係去洪記啦!
搵譚經理發板, 食餐好既。
叫左白灼海蝦，雖然蝦仔細細，不過勝在夠鮮味。
炒蟶子，雖然話係中既，不過都好大碟，勁多肉。
椒鹽瀨尿蝦，正呀﹗大大隻又有膏既，食到尾都仲有~~
仲有跳螺 ﹑蒜蓉粉絲蒸扇貝 ﹑龍蝦刺身 ﹑芝士伊麵底
仲有芥蘭、海鮮湯等等…… 都好好味, 而且由於多人既關係(8人), 一人大約$300，比上次更平。

食完飯朋友提議不如食甜品，雖然好飽，不過既然一場黎到，死就死啦。

朋友們叫左芒果糯米滋﹑焦糖布甸﹑涼粉西米露 ﹑合桃杏仁茶豆腐花﹑合桃豆腐花﹑海底椰冰。

而我就叫左楊枝金露豆腐花，豆腐非常非常滑。

行街街行到腳仔軟，求其搵間野hea陣抖抖先。
叫左個tea，沙爹魚旦蘿蔔加凍綠豆沙。$18
老老實實，魚旦ok，蘿蔔都ok，夠林又冇根，但係唔夠入味囉。
綠豆沙唔夠凍，如果凍d就正晒lu。
不過$18，ok啦，又由得我任坐抖下，算係咁啦。

昨天吃了的河合居實在太不像話了。
於是今天放工後，便到巴壽司。
二話不說的就點了幾樣菜。
比目魚定食：比目魚很滑，拍得上銀雪魚。
三文魚壽司﹑蟹棒壽司﹑生油甘壽司﹑螺片壽司，通通都好好味。
黑魚籽三文魚牛油果卷，正呀﹗
竹輪，我既至愛﹗
特別優惠，$1一客的三文魚皮手卷

7點幾去到成層得榮記坐爆，其他都有位，當然我梗係等位啦，好彩等左一陣有人埋單。
叫左個椒鹽鱔片$40，冇得頂咁好味。
再黎翻兜個麻辣田雞$45。淡淡肉，又夠辣，正呀﹗雖然好多人都話田雞好樣衰，我就話佢地唔識貨，田雞—我既至愛。
一個砵仔焗魚腸$25，正﹗仲好平添。
沙爹金菇鴕鳥肉$45，因為太餓，叫多個魚香茄子$40
連埋兩支啤酒&白飯，$232，非常滿足。兩個人食5個餸，好似有d變態。
我記得椒鹽鱔片呢個下次必要encore。

上星期在太古食了一餐差的日本菜， 於是為了安慰自己， 當然要去食一餐好的!
又是叫了雜綿刺身(上)$280，非常鮮甜。
碎吞拿魚腩海膽飯仍是$98， 正呀….咁先叫似樣架嘛。
日式淮山牛肉鍋，d淮山比一般食到既簿身，但係好香。
非常滿足。

法國拉丁區的一樓只開夜晚。
同朋友晏晝黎到，就改坐地下，真是別有一番風味。
洋蔥薯茸湯...:非常清甜。
朋友點了個豬扒意粉，佢話正喎﹗
什菌咖哩汁配野米，咖哩當然係我食架啦，份量雖不多，不過味道就好唔錯。
甜品係奶凍，都係咁有水準。

放工落去西灣河拎野，順便搵野食。
不過太安樓裡面既店舖都食到厭，於是就響大安樓外圍搵食。
行過珍珠館，被佢既「擔擔手撕雞絲米線」吸引，叫左個餐$31，跟4隻素餃同豆漿。
豆漿幾好飲。
素餃就一般。
主角擔擔手撕雞絲米線出場喇﹗
老實講，失望添。
冇擔擔味既﹗仲有…叫佢走青又冇走到，我冇食晒就走喇。

明天是男朋友生日，他說要自己買禮物給自己，於是到旺角吃飯。
我點了個黑椒牛扒，男朋友就點了蒜汁什扒。二人都叫了牛尾湯。
跟餐還有飲品及雪糕附上，不過$65/客，非常划算。
很喜歡這個富懷舊色彩的餐廳。
以往來吃沒有拍照，今次補返。

為了預祝細姐生日，幾位同事晏晝去左泰好食lunch。叫了每人都點了個人套餐及小食。

由於午餐只有三款，大家都只是叫了菠蘿炒飯及咖哩雞跟飯。

賣相一般，味道不錯。

很奇怪地，這咖哩一點都不辣，反而很甜，個人並不欣賞。

這個肉碎包菜，幾好味。

春卷都ok，但沒有驚喜。

椰汁糕及賣相精緻的椰汁大菜糕。

樓上café響鰂魚涌比較少見。
佈置得好有屋佐feel。
食物方面，好少選擇。
雞﹑牛﹑豬﹑海鮮，味道就有白汁﹑茄汁﹑黑椒﹑咖哩，跟飯或意粉。
好似快餐店咁。
至於味道方面，我個人覺得好一般。
晏晝還好，夜晚，d飯同餸都好似唔夠熱，似翻叮咁。

午市既定食有好多選擇，價錢大約70-80蚊。
味道唔錯，我中意叫牛肉火鍋定食。

呢間擔擔麵都好正，夠辣而且麻醬夠香。
佢有個午市套餐：擔擔麵加小籠包(五隻)及豆漿，三十幾蚊，非常夠食。
不過店舖好細，好多人排隊，建議叫外賣最穩陣。
佢既菜飯就一d都唔好食，有次唔知，叫左個鱔糊菜飯，乃晒野，千祈唔好試。

日日返工必經之店。
早餐必選豬腸粉，加甜醬﹑辣醬﹑芝麻，腸粉又滑，一早食佢落肚，滿足之餘，仲有一份幸福既感覺。
最中意食佢既豬扒擔擔麵，豬扒係即叫即炸，又香又脆，而且只係$20咋。
晏晝外賣飯盒—北菰雞飯都係$13，非常抵食。

太古坊飲茶真係冇乜選擇。
好在呢間食店既食物水準都幾好，只係貴些少姐。
佢既兩面王同埋小籠包都相當有水準，而且豆漿都幾好味，唔似有d豆漿，飲完個口會帶有一陣苦味。
但通常都要訂定位，太古坊搵食真係好艱難架。

以前都覺得好味屋唔錯。
但係自從好味至尊開左之後，比較之下，佢就差左lu。
今日叫左個外賣咖哩牛脷飯。
牛脷係就係好多，不過可惜煮得太un，而且唔夠入味。
佢既咖哩好杰，而且少，食到一半已經冇晒汁，迫住我停口。

因為住得近既關係，好多時候都會去太古城搵食。
北京樓既點心唔錯，雖然唔係多花款，灌湯餃亦都唔係好出色。
但一般傳統既點心，佢都做得唔錯，蝦餃皮薄餡靚，d蝦又新鮮彈牙。
腸粉亦都好滑。通常會叫多個煎腸粉，貪佢夠香口。

響太古坊麥當當附近既一家米線店，睇好近，行起黎丸曲十三彎咁。
晏晝勁多人等位，坐得好迫。
菜式同南記好相似。
我叫了一碗酸辣小鍋米線，味道都還可以，只是店舖環境太擠迫，食得非常辛苦。
如果叫外賣，離公司又有一段路程，不太理想。

長發既小菜幾唔錯，而且份量仲好大添。
可能係要岩返附近地盤開工既工人掛。
廿幾蚊既碟頭飯都有幾多選擇，我有時食晏都會幫襯外賣。
夜晚就少好多人，可以坐低慢慢食，佢既芙蓉蛋整得好滑，撈飯冇得頂。
仲有魚香茄子煲都整得唔錯。

又到每個月既紀念日。
之前收到Citibank寄來宣傳單張, 套餐好似不錯! 於是去了試, 整體味道用料是OK的, 但以這個價錢,比出黎D野有欠誠意, 可能是太古城關係, D租貴啦!
帆立貝沙律可以!
蔥吞拿拿手卷, 好味道!
鮑魚雜綿刺身雖然味道是不錯, 但擺盤差d, 太小氣寒酸!
冇咁大片刺身咪鬼用咁大隻碟上丫嘛。
鵝肝被麵包搶了味, 有d可惜!
其他熱食也不錯的,有點兒可惜!
青檸雪葩OK，但冇驚喜又唔特別。
呢個餐原價$1060, 依家半價$530，但加一要以正價計。個人覺得品家既$288比佢有誠意得多，試一次算lu。

品家呢個$288套餐非常抵食。
有鮑魚(唔太細隻，而且好味)﹑佐佐目魚刺身(ok)﹑什錦刺身(超甜美)﹑安格斯薄燒(牛肉好香)﹑天婦羅﹑吞拿魚杯杯飯(仲可以揀辣或唔辣，我中意食辣)﹑奶湯(甜﹗)﹑甜品-芝士蛋糕。
非常滿足。

滿記既豆腐真的好鬼滑。
真係令人一試難忘。
個人至愛叫黑白—芝麻糊豆腐花，芝麻糊夠杰，配埋豆腐花，真係一流。
媽媽就至愛榴槤班戟，次次都要食完再買外賣。
不過我就怕榴槤味，我會叫芒果班戟食或者叫多個合桃糊，嘻嘻。

一個字，掂﹗
丸呀﹑蠔呀﹑牛呀﹑羊呀，仲有海鮮;……通通都勁好味﹗

一個人響銅鑼灣搵食非常難。
行過中左入去試試。
竟然唔係太差。
魚香茄子便當，仲配有糙米﹑時菜﹑生果同熱飲，都係$36，算是唔錯了。

爆谷$3好鬼抵食，通常會叫多隻熱狗+汽水
夾埋都係十幾蚊。
唯有唔滿意係冇得坐，你知啦，行完兩層宜家，腳仔好軟架嘛。
不過諗深一層，咁平都唔好咁多要求lu。

成日經過見咁多人排隊，以為好正，於是又黎試一份。

排左成個鐘頭先入到去。

老實講……好失望。

又俾人群呃多一次。

三文魚壽司：唔新鮮

蟹膏壽司：幾好，唔錯

藍鯨壽司：唔掂

其他如帶子﹑赤貝都係好一般，根本唔值得要人等。

唔好食。

又貴又唔好食。

又要等位，服務又差。

呢間野比起附近既小巴黎差好很遠。

咖哩唔夠辣，蒜蓉包唔夠惹味。

排咁耐隊上去等位食，一d都唔抵。

呢間有骨氣係本姑娘食過咁多間有骨氣之中，最渣既一間。

d牛肉既差，一睇就知唔靚，豬紅咁既色都上得碟俾客食既？﹗

其他丸呀﹑腸仔呢d大路野就不過不失。

但見到佢碟牛肉都真係眼火爆，唔再幫襯，實在太冇誠意喇。

佢既拉麵一般都要55蚊或以上。
第一次食既覺得有d貴，但試過之後就唔覺啦。
佢既麵底好煙un，地嶽湯底仲好夠辣添。
雖然佢鋪仔細細，但都好滿座，佢仲有積分優惠回饋客人，都幾唔錯。

我好中意食石頭鍋飯，而呢間呢好味道。
至愛韓國料理既配菜，佢既配菜好味之餘，份量又唔會得少少，唔夠仲可以叫佢refill, 服務態度一流。